26-сы күні Қарашілік ауылының жалпы орта білім беретін мектебіміздің бастауыш сыныптарында Жаңа жылдық мерекелік кеш ұйымдастырылып, жоғары деңгейде өтті. Кеш барысында оқушылар түрлі қызықты қойылымдар көрсетіп, ән айтып, би билеп, өз өнерлерін ортаға салды. Балалардың көтеріңкі көңіл күйі мен шат күлкісі мерекенің шырайын аша түсті. Сынып жетекшілері мен ұйымдастырушылардың еңбегінің арқасында кеш мазмұнды әрі әсерлі болды. Әсем безендірілген сынып бөлмелері мен мерекелік әуен балаларға ерекше қуаныш сыйлады. Жаңа жылдық кеш бастауыш сынып оқушылары үшін ұмытылмас әсер қалдырды.