Қарашілік ауылының жалпы орта білім беретін мектебінде оқушылардың жолда жүру мәдениетін арттыру және жол қозғалысы ережелерін сақтау дағдыларын қалыптастыру мақсатында ПДД (Жол жүру ережелері) бойынша 4-сынып оқушыларымен тәрбие сағаты өткізілді. Іс-шара барысында оқушыларға жол белгілерінің маңызы түсіндіріліп, түрлі бейнероликтер мен көріністер көрсетілді. Сонымен қатар, оқушылар «Жолда абай бол!» тақырыбында сұрақтарға жауап беріп, өз ойларын ортаға салды. Шара соңында балаларға жол қауіпсіздігін сақтау – өз өмірін қорғау екені ескертілді.